كان لازم أكتب
كنت فاكر إني عاشق
والقمر فرحان بعشقي
كنت عايش أحلى وهم
والدموع تذرف لفرحي
كنت عاشق النزيف
والقلب كان
فرحان لجرحي
كنت فرحان بالألم
طعم الألم
موصول بحبي
وكنت منتظر السعادة
طعم المرار
بالعشق كان سكر زيادة
عاشق ومجنون بالقمر
يا بدر عشاقك كتير
والليل سهر شهيق زفير
والود كان موصول زمان
والحظ كان وعد الأمير
كلمة حبيبي
حروف جلل مسمعتهاش
وعيون حبيبي
حلمت بيها مشفتهاش
والحضن حلم
ونبض قلب حبيبي حلم
وعهود ووعد
فى صفع برد
ووشوش حسد
وأحقاد وكره
وشت وفتنت للقمر
بذنوب كتير مفعلتهاش
والحق كان عند القمر
انساه يا قلبي
خلاص هجر
قال القدر
كفاياك دموع
مترين فى متر
وضعفهم مقطع قماش
الله يسامحك يا قمر
بقلم/أمير فايز علي
